«Бетім, қол-аяғым күйді»:
Сарыағашта газ жарылысынан күйік шалған адам тергеуге наразы
Түркістан облысы Сарыағаш ауданы Құркелес ауылының тұрғыны 29 жастағы Наурызбай Қоңыраубайдың денесін күйік шалғанына бір ай болды. Ол газдың жиналып, жарылуына жол берген жауапты адамдар жазадан құтылып кете ме деп алаңдайды.
«Жұмысқа жарамай отырмын»
Наурызбай - үш баланың әкесі. Ауылда ата-анасы, бала-шағасымен бірге өмір сүреді. 5 желтоқсан күні ол інісімен үйіне азық-түлік әкелген. Көлігін гаражына қойып, жанында орналасқан қоймадан зат алу үшін кірмек болған. Жарықты жаққаны сол от лап ете қалған.
– Алғашында не болғанын түсінбей қалдым. Жарылыстан шамамен 20-30 метр жерге ұшып барып құладым. Бетім, қол-аяғымның қатты күйгені есімде. Көрші-қолаң мен туғандарым жарылыс дауысына жүгіріп келіп, көмектесті, – дейді ол.
Наурызбай жедел жәрдеммен Сарыағаш аудандық орталық ауруханасына жеткізілген. Жан сақтау бөліміне орташа ауыр жағдайда жатқызылған. Беті, қол-аяғымен бірге кеудесі мен желкесін күйік шалғаны анықталған. Медициналық анықтамада денесінің 10 пайызы күйген деп көрсетілген.
Жарылыстың қатты болғанынан қойманың шатыры сынып, қабырғасы сөгілген. Наурызбайды ауруханаға әкеткенде оқиға орнына полиция, өрт сөндірушілер мен «ҚазТрансГаз» акционерлік қоғамының өкілдері келген.
– Газ құбырын тамыз айында қосты. Құбырдан шыққан газды тоқтату үшін Алматыдан маман шақырғанын, үш күн жүріп бітегенін естідім. Тесік қайдан пайда болғанын білмедім. Бірақ газдың шығуына жол берген мамандар болуы керек, – дейді ол.
Наурызбай тоғыз күн ауруханада емделіп үйіне келген соң құбырды жүргізгендер келісімге шақырған. Туған-туыстарын араға салып, полицияға арызданбауды өтінген. Бірақ ол жауаптыларды жазасыз қалдырмауды сұрап полицияға арыз түсірген.
– Бір ай болды. Ауырып, үйде қамалып жатырмын. Темір жолда жұмыс істейтін едім. Денсаулығыма байланысты демалыстамын. Аурудың беті бері қайтқанымен, қазірге жұмысқа жарамай отырмын. Суыққа шықсам да, ыстыққа кірсем де күйген жерімнің бәрі ауырады. Әсіресе, қолым тереңірек күйген екен. Ауырып тұрсам да жақында полиция бардым. Оқиғаның қалай болғанын сұрады да, шығарып салды. Іс қозғалды ма, күдіктілер ұсталды ма, айтпады. Тергеуге көңілім толмай қайтып келдім, – дейді ол.
«Ақауы бар газ құбырына облыс әкімінің орынбасары кепіл болды»
«ҚазТрансГаз» акционердік қоғамының өкілі Еркебұлан (тегін айтудан бас тартты – ред.) бұл оқыс оқиғаны Наурызбай мен оның әкесінің салғырттығынан көреді. Оның Orda.kz тілшісіне айтуынша, олар ешкімге ескертпей, газ құбыры тартылған қызыл сызыққа қарамай оның үстінен ауыр техниканы жүргізіп, құрылыс жұмыстарын бастаған.
– Бұл газ құбыры 2018 жылы тартылған. 4 жыл айқай-шудан кейін 2022 жылы пайдалануға берілген. Газды қосқан кезде де тартылған газ құбырындағы көп ақауды айттық. Түркістан облысы әкімінің бірінші орынбасары Арман Жетпісбаевтың «кемшілікті түзетеміз, өзгертеміз» деген кепіл хатымен газ қосылды. Кепіл хатта апаттық жағдай туындаса, «ҚазТрансГаз» жауап бермейтіні жазылған. Оқыс оқиғаға тұрғынның ешкімге ескертпей, газ құбыры жүргізілген жерден ауыр техниканы өткізгені себеп болуы мүмкін. Енді кімнен қандай қателік кеткенін анықтау үшін өздері тәуелсіз сараптама жүргізуі керек. Біз өзіміз жинаған құжаттардың бәрін өткіздік, – дейді акционерлік қоғам өкілі.
Еркебұланның сөзінше, газ құбыры әкімшіліктің есебінен «ҚазТрансГаз» акционерлік қоғамының есебіне өтпеген. Тартылған газ құбырындағы ақау рет-ретімен жөнделіп жатыр.
Полицияның бұл оқиғаға байланысты тергеу бастағанын Еркебұлан да растады. Ал облыстық полиция департаменті әзірге бұл оқиғаға байланысты қандай баппен іс қозғалғаны туралы ақпарат бермеді.
Жаңалықтар
- Ұлттық экономика вице-министрі қызметінен кетті
- Ералы Тоғжанов премьер-министрдің кеңесшісі болып тағайындалды
- Алматы мен Алматы облысында өзен тасуы мүмкін
- Семейде бір ай бұрын жоғалып кеткен қыздың денесі табылды
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатып, біразын тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр стансасын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр
- Оралдағы су басқан саяжай тұрғындары тағы да әкімдікке жиналды
- Енді үйдегі интернетті телефон арқылы қосуға болады
- Тоқаевтың Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды
- Татарстанда қазақ тілі оқытылатын болады
- Қазақстан Энергетика министрлігі басшылығының мессенджерлеріне хакерлік шабуыл жасалды
- Депутат баспананы табиғи апаттан сақтандыруды міндеттеуді ұсынып отыр
- Boeing ұшақтары қауіпсіз бе: АҚШ-тың Әділет министрлігі тергеуді бастады
- Әділет министрлігі екі саяси партияны тіркеуден бас тартты
- ҰБТ-2024 Қазақстанның он төрт облысында басталды