Бес жыл бұрын мың теңгеге бола жүргізушіні өлтірген қылмыскер ұсталды

Нұр-Сұлтан ПД жедел қызметкерлері бес жыл бұрын такси жүргізушісінің өліміне кінәлі болған қылмыскерді ұстады.

Көкшетауда арнайы операция барысында кісі өлтірді деген күдікпен 27 жастағы жігіт ұсталды.

Анықталғандай, күдікті 2017 жылдың тамыз айында базарлардың бірінің маңында жекеменшік Daewoo-Nexia таксиін жалдап, ағаш кесетін аумаққа барған. Барар жерге жеткенде жүргізуші мен жолаушы арасында жол ақысына байланысты жанжал туындаған. Такси жүргізушісі жол ақысын мың теңгеге бағалаған. Ауызша кикілжің кезінде жолаушы пышағын алып, жүргізушіге 17 пышақ жарақатын салған, соңғысы сол жерде қайтыс болған. Кісі өлтіргеннен кейін қылмыскер іздерін жасырмақ болып, көлікте қалған саусақ іздерін мұқият сүрткен.

Күдікті аса ауыр қылмыс жасап, оқиға орнынан қашып кетіп, бірнеше күннен кейін көрші республикаға өтіп кеткен.

Елордалық жедел уәкілдер бес жыл бойы күдіктіні анықтау үшін тынымсыз жұмыс жүргізді. Сот-медициналық сараптама қылмыс орнында табылған барлық заттар мен іздерді зерттеді.

Сөйтіп, екі жылдан кейін көлік жүк салғышындағы саусақ ізін зерттей келе, криминалистикалық сәйкестік тапты. Алайда, тергеу барысында саусақ ізі жанармай құю бекетінің қызметкеріне тиесілі екені белгілі болды. Такси жүргізушісі қайғылы оқиғадан сәл бұрын сол жерде болған, іздеу жұмыстары жалғасты.

Өткен жылдың соңында криминалистика тағы бір саусақ ізінің сәйкестігін анықтады және белсенді тексеру қайтадан басталды. Анықталғандай, саусақ іздерінің иесі 2014 жылы Беларусь Республикасында ұрлық жасағаны үшін сотталған Ақмола облысының тұрғыны болып шықты. Тексеру барысында жедел уәкілдер соңғысының кісі өлтіруге қатысы барын анықтады. Ұсталғаннан кейін бұлтартпас айғақтармен күдікті өз әрекетін мойындады. Қазіргі уақытта ол елорданың қалалық полиция департаментінің уақытша ұстау изоляторына қамалды.

ҚР Қылмыстық кодексінің «Адам өлтіру» бабы бойынша сотқа дейінгі тергеу амалдары жүргізілуде.