Берлин әуежайы жұмысшылардың ереуіліне байланысты 24 сәуірде барлық рейстерді тоқтатады

Жолаушыларға 24 сәуірде Берлин әуежайынан ұшу мүмкін болмайтыны ескертілді.

Салалық кәсіподақ сол күні авиациялық қауіпсіздік қызметінің ереуіл болатынын хабарлады. Хабарлама бойынш ол сағат 03:30-да басталып, түн жарымда аяқталады.

Жұмысшылар ереуіліне жұмыс жағдайларының нашарлығы себеп болды. Кәсіподақ түнгі, сенбі, жексенбі және мереке күндері жұмыс істегені үшін бонустарды ұлғайту жөнінде авиациялық қауіпсіздік компанияларының федералдық қауымдастығымен бірнеше жылдан бері келіссөздер жүргізіп келеді.

Бұған қоса, жұмысшылар коммерциялық әуежайларда үстеме жұмыс және қызмет көрсету үшін тарифтердің жоғарылауын талап етуде. Көптеген ереуілдерге қарамастан, келіссөздерде ілгерілеушілік, алға жылжу  болмады.

Әуежай әкімшілігі жолаушыларға авиакомпанияларға немесе туроператорларға хабарласып, билеттерді қайта брондауға немесе балама бағыттарды таңдауға кеңес берді.