Берік Уәли Тоқаевтың жазбасына қатысты түсініктеме берді

cover

Ақордада президент Қасым-Жомарт Тоқаевтың Twitter-дегі жазбасына қатысты түсініктеме берілді.

«Өздеріңізге мәлім, Мемлекет басшысы Қасым-Жомарт Тоқаев Бас прокуратураға «Қасіретті қаңтар» оқиғасына қатысып, әртүрлі құқық бұзушылық бойынша ұсталған азаматтардың кінәсінің деңгейін анықтауды тапсырды.

Президент олардың ауыр қылмысы болмаса, жазаны жеңілдету шараларын қабылдауға болады деп санайды.

Бейбіт демонстрацияға қатысушылар қылмыстық жауапкершілікке тартылмауы керек. Мемлекет басшысының түбегейлі ұстанымы бейбіт жиналыстар мен митингілер заңға сәйкес өтуі керек. Заңда мұндай жиындардың ескерту арқылы ғана өткізілетіні қарастырылған. Митингілер мен жиналыстарды енді қалалардың орталық аудандарында өткізуге болады. Бұл – еліміздегі демократияны ілгерілетуге бағытталған маңызды қадам» деді Берік Уәли Facebook-тегі жазбасында.

Естеріңізге сала кетейік, 14 қаңтар күні жетекші құқық қорғаушылар Тоқаевты қуғын-сүргінді тоқтату үшін шаралар қабылдауға шақырды. Сонымен қатар, мемлекет басшысына танымал қазақстандық продюсер Баян Мақсатқызы да осындай үндеумен жүгінді. ол президенттің уәделері тазарту мен құғын-сүргін ұйымдастыру арқылы диверсия жасайтынын мәлімдеді.

14 қаңтар күні кешке Тоқаев бас прокуратураға ұсталғандардың кінәсінің дәрежесін анықтап, «жауаптылықты ауырлататын мән-жай болмаса, жазаны жеңілдету үшін шара қабылдауға» тапсырды.

Жаңалықтар

барлық жаңалықтар