Бердімұхамедов Тоқаевқа Ақалтеке арғымағы мен тазы сыйлады

Қасым-Жомарт Тоқаев мемлекеттік сапармен Түрікменстанға барды. Ашхабадтағы жылқы кешенін аралап көру барысында Түрікменстан президенті Гурбангулы Бердімұхамедов Қасым-Жомарт Тоқаевқа асыл тұқымды Ақалтеке арғымағын сыйлады.

Бұл туралы Orda.kz хабарлайды.

Мемлекет басшысының бағалы сыйлықтар алғаны туралы Берік Уәли Facebook парақшасында жазды.

– Ашхабадтағы жылқы кешенін аралап көру барысында Түрікменстан Президенті Гурбангулы Бердімұхамедов Қазақстан Президенті Қасым-Жомарт Тоқаевқа асыл тұқымды Ақалтеке арғымағын сыйлады. Бұдан бөлек, еліміздің басшысына түрікмен тазысының күшігін сыйға тартты, - деп жазды Берік Уәли.