Бердібек Сапарбаев дүниеден өтті

Қазақтың белгілі саясаткері Бердібек Сапарбаев 71 жасында дүниеден өтті.

Бердібек Сапарбаевтың қайтыс болғаны туралы ақпаратты Qazaqstan Ұлттық телеарнасы хабарлады.

Сапарбаев  совхоздың қарапайым жұмысшынан Қазақстанның вице-премьері қзыметіне дейін өсті. Бірнеше облыстар мен  министрліктерді басқарды. Оның соңғы қызметі – «QazBioPharm» Ұлттық холдингі» АҚ директорлар кеңесінің төрағалығы болды. Ол Жамбыл облысы басшылығы қызметінен кеткеннен кейін осы жұмысқа орналасқан болатын.

Бердібек Сапарбаев 1953 жылы 9 ақпанда Қызылорда облысы, Жаңақорған ауданы, Бесарық ауылында дүниеге келген. «Отан», «Барыс», «Парасат», «Құрмет» және басқа да көптеген марапаттардың иегері. Қызылорда және Ақтөбе облыстарының Құрметті азаматы.

Қазақстан Президенті Қасым-Жомарт Тоқаев мемлекет және қоғам қайраткері Бердібек Сапарбаевтың қайтыс болуына байланысты қайғысына ортақтасып, оның отбасына көңіл айтты, деп хабарлады Ақорданың баспасөз қызметі.

Әзірге қайтыс болудың себебі туралы ақпарат жоқ.