Белсенділердің ұсталуы қалыпты тәжірибе - министрлік

ҚР Ақпарат және әлеуметтік даму вице-министрі Болат Тілепов Қытай елшілігінің алдына бейбіт шеруге шыққандарды ұстау Қазақстандағы еркін азаматтық қоғамның дамуына зиян келтіруі мүмкін деп санамайды.

Бұл туралы Оrda.kz хабарлады.

- Белгілі бір тәртіп бар жерде заң да бар. Егер заңның қандай да бір нормалары бұзылған болса, онда биліктің шынымен лайықты жауабы болады. Бұл барлық елдерде, оның ішінде демократиялық елдерде бар қалыпты тәжірибе, - деп Тілепов брифингте Orda.kz тілшісінің сұрағына жауап берді.

Вице-министр «қытайлық лагерьлер тұтқындарының мәселесі халықаралық деңгейде диалог алаңдарында, құқық қорғау ұйымдарының қатысуымен талқыланып жатқанын және бұл мәселені ешкім жасырмайтынын» айтты.