Белсенді Ғалы Бақтыбаев өлімі: айыпталушылар жауап берді

Қарағандыда 20 мамырда қоғам белсендісі Ғалы Бақтыбаевтың өліміне қатысты сот отырысы өтті. Белсендіні өлтіруге тапсырыс берген экс-полицей өз кінәсін мойындамады.

Бұл туралы Orda.kz Азатыққа сілтеме жасап хабарлады.

Айыпталушылар тергеу кезінде қысым көргендерін айтты.

Еске салсақ, 2019 жылы мамырда белсенді Ғалы Бақтыбаевты өз үйінің алдында атып кеткен.

Анықталғандай, белсенді полицияның жеке қауіпсіздік басқармасына шағым жазған. Артынан полиция қызметкері А.Ғалым таныстары арқылы шағымды қайталамауды сұратқан. Бірақ айыпталушы оны өлтіру ойында болмағанын айтты.

Бақтыбаевтың өлімі белгілі болғанда айыпталушы полицияда жұмыс істеген. Осылайша, ол оқиға орнына келген.

Бұл іс бойынша сот 2020 жылы мамырда басталған. Күдікке төрт адам ілінген. Оқ атқан адам оқиға орнынан қашып кеткен.

Кейін белгілі болғандай М.Иман 1 млн теңгеге бола, осы іске кіріскен.

Қазір сот алдында 4 адам отыр:

• Жаңаарқа ауданы полиция бөлімінің экс-қызметкері А.Ғалым – тапсырыс берді;
• Кәсіпкер Б.Азамат – тапсырыс берді;
• Бұрын сотталған Ж.Елдар – 2019 жылы ақпанда белсендіні ұрған.

59 жастағы Ғалы Бақтыбаев жиі әлеуметтік мәселелерді көтеріп, жергілікті жемқорлық мәселесімен күресетін.