Белсенді 8 наурызда Алматыдағы шеруге рұқсат беруді талап етіп, пикетке шықты

«Oyan Qazaqstan!» қозғалысының белсендісі пикетке шықты, деп хабарлайды Orda.kz порталы.

9 ақпанда Алматыда «Oyan Qazaqstan!» қозғалысының белсендісі Темірлан Еркебек жергілікті әкімдіктен 8 наурыз күні әйелдер шеруін өткізуге рұқсат етуін талап етіп, жалғыз пикетке шықты. 

Белсенді «Аманжол, Айдар, Ерболат ұялсаңдаршы феминистерге шеру өткізуге рұқсат беріңдер» деген жазумен шыққан.

Аманжол — митингке, пикетке немесе шеруге шыққысы келгендердің өтініштерін қабылдайтын әкімдік қызметкері, – деп түсіндірді белсенді

Сондай-ақ белсенді Алматы қаласының қоғамдық даму басшысы Айдар Есенбеков пен қала әкімі Ерболат Досаевқа үндеу жолдады.

Оның (Есенбековтің) қолымен осы шерулерге рұқсат берілмей отыр. Бірақ әкім Ерболат Досаевтың өзі бұл істерге қатыспай... яғни, бас тарту және шешім қабылдау осы үштікке байланысты, - дейді белсенді.

Белсенді Қазақстанда әйел құқықтары жүйелі түрде бұзылатынын  атап өтті.

 Мен тең құқық жолындағы күресте  феминистермен ынтымақтасамын. Осыны қолдау үшін шықтым, - деді ол.