Белгісіз адамдар Кабулде Украина ұшағын ұрлап кетті

Кабулдағы украиндар мен басқа елдердің азаматтарын эвакуациялау кезінде белгісіз адамдар украиналық ұшақты басып алып, Иранға ұшып кетті. Оқиғаны Украина Сыртқы істер министрінің орынбасары Евгений Енин «Громадське радіо» берген сұхбатында айтты.

Бұл туралы Orda.kz хабарлады.

СІМ басшысы орынбасарының айтуынша, соңғы апта ішінде Украинаның сыртқы істер министрі Дмитрий Кулеба бастаған барлық дипломатиялық қызмет «апаттық» режимде жұмыс істеді.

— Өткен жексенбіде біздің ұшақты басқа адамдар басып алды. Сейсенбіде ұшақты ұрлап, белгісіз жолаушылар тобымен Иранға ұшып кетті, - деді Енин.

Оның айтуынша, украиндықтарды эвакуациялаудың келесі үш әрекеті де сәтті болған жоқ, өйткені азаматтар әуежайға жете алмады.

Дүйсенбі күні кешке Ауғанстаннан эвакуацияланған бортында 98 жолаушы бар үшінші ұшақ Борисполь әуежайына қонды. Олардың ішінде 41 Украина азаматы бар.

Осы уақытқа дейін Ауғанстанда 50-ден аз украин азаматы қалды.