Белгісіз ер кісі мешіттегі садақаны ұрламақшы болған

Ақмола облысында белгісіз ер кісі мешіттегі садақалар жәшігін ұрлауға тырысты. Ұрлық әрекеті мешіттің бейнекамераларына жазылды.

Толығырақ Orda.kz сайтында.

25 сәуірде Ақмола облысы Шортанды ауданының полициясына белгісіз ер адам туралы ақпарат келіп түсті. Ол терезені сындырып, мешіттегі садақалар салынған жәшікті ұрлауға тырысқан.

Ұрлық әрекеті бейнебақылау камераларына түсті. Бұл полицияға күдіктінің жеке басын анықтауға көмектесті.

— Күдікті Шортанды ауылының 44 жастағы тұрғыны болып шықты. Мешітке кіріп, ер адам қайырымдылық жәшігіндегі құлыпты аша алмаған. Қазіргі уақытта аталған факт бойынша «Қылмысқа дайындалу және қылмысқа оқталу» бабы бойынша сотқа дейінгі тергеу басталды, - деп хабарлады Ақмола облысының полиция департаменті.

Күдіктіге қатысты «келу туралы міндеттеме» процестік мәжбүрлеу шарасы таңдалды.