Белгілі журналист Әлия Әшім оқырмандардан кешірім сұрады

Блогер Әлия Әшім ұлы ақын Абай Құнанбайұлының үйін көрсетемін деп сынға қалған еді. Бұл әрекеті қоғамда үлкен наразылық тудырды. Бүгін ол өзінің әбестігі үшін кешірім сұрады, деп хабарлайды Orda.kz.

Ол әлеуметтік желісінде бейнежазбасының әбестік болғанын мойындап, кешірім сұрады.

«Сіздер үшін «Абайды қорлаған қыз» деген «атаққа» қаламын деп еш ойламаппын. Осында тараған Қарқаралыдағы видеоның әбес болғанын мойындаймын. Оны ауылдағы әкем де ренжіп, ескертті. Сондықтан табалау емес, жанашырлықпен, орынды сын айтқан аға-әпкелерімнен кешірім сұраймын... Менің Абайды мазақ ету, қазақтың мәдениет, тарихын қорлау ниетім ешқашан болған емес» деп жазды Әлия Әшім өз парақшасында.