Белгілі мұнайшы Есен Тасқынбаев 94 жасында дүние салды

Мемлекет және қоғам қайраткері Есен Тасқынбаев өмірден озды, деп хабарлайды Orda.kz.

Белгілі мұнайшы 94 жасында өмірден озды. 1932 жылғы 10 наурызда Гурьев облысы Жылыой ауданы Жаршық ауылында дүниеге келген. Құлсары қаласында орта мектеп тәмамдады. 1954 жылы И.М.Губкин атындағы Мәскеу мұнай институтын «инженер-механик» мамандығы бойынша үздік бітірді. Еңбек жолын 1954 жылы Құлсары бұрғылау кеңсесінде бұрғылау жабдықтарын жөндейтін слесарь болып бастап, кейін мұнара монтаждау цехының прорабы, бұрғылау кеңсесінің бас механигі қызметтерін атқарды.

Төрт рет республика Жоғарғы Кеңесінің депутаты болып сайланды. Көзі тірісінде «Құрмет», «Парасат», ІІІ дәрежелі «Барыс» мемлекеттік ордендерімен марапатталған.

Оқи отырыңыз:

• Алаштың ардақты ақыны Мұқағали Мақатаевтың туғанына 95 жыл толды
• Қазақстан суперпрезиденттік басқару үлгісінен түбегейлі бас тартады – Тоқаев
• Тоқаев Ұлттық банк пен Қаржы мониторингі агенттігін қатты сынға алды