Белгілі кәсіпкер апатқа кінәлі деп танылды

Қарағандыда болған жантүршігерлік жол апатына айыпты ретінде белгілі кәсіпкер Сергей Камаев аталды.

Бұл туралы Patriot хабарлады.

«Адам өліміне себеп болған Lexus жүргізушісі Қазақстандағы белгілі кәсіпкер Сергей Камаев болып шықты» делінген хабарламада.

Айтуынша, Lexus жүргізушісі өз жолағында жоғары жылдамдықпен келе жатып, алдыңғы көліктің артқы бамперіне соғылған. Лексустың жылдамдығы жоғары болды және жалпы көлік жылдамдығы жоғары болғандықтан адам өліміне әкелетін апат орын алды.

Камаевтың Қазақстандағы машина жасау саласының дамуы туралы бірнеше рет БАҚ өкілдеріне сұхбат бергені, түрлі конгресстер мен дөңгелек үстелдерге қатысқаны, сонымен қатар «Атамекен» ұлттық кәсіпкерлер палатасының мүшесі екені белгілі.

Мәліметтерге сәйкес, «Ниссан» көлігінің жүргізушісі 1984 жылы туған Алдоңғаров қаза тапты. Ал жолаушы Алдоңғаровтың жүкті әйелі. Қазір ол ауруханада жатыр.

Қарағанды ​​облысы ІІД тергеу басқармасының бастығы Азамат Ахметов бұл іс полиция департаменті басшылығының жеке бақылауында екенін айтты.