Белгілі кәсіпкер «Эйр Астанадағы» жемқорлық туралы жазды

Белгілі қазақстандық кәсіпкер Бақыт  Ниязов «Эйр Астана» әуекомпаниясындағы жемқорлық туралы әлеуметтік желіде жазды.

«Эйр Астанадағы сыбайлас жемқорлық туралы. Біз Ташкенттегі «Эйр Астананың» тіркелу пунктіне келдік. Бізге балаларға арналған ПТР жүргізілген жоқ. Осыған байланысты бізге ұшуға рұқсат берілмеді. Бірақ содан кейін қабылдау бөліміндегі жас жігіт компания өкілінің көзінше бұл мәселені белгілі бір ақшаға (долларға) шешуді ұсынды. Бұл таза жемқорлық» деп жазды Ниязов жексенбі күні әлеуметтік желідегі парақшасында.

Ол сонымен қатар мәселені заңды түрде шешуді жөн санайтынын атап өтті.

«Біздің екі сағат уақытымыз болды. Әуежайдың жанында ПТР жасайтын тамаша клиника бар. Біз сол жерге  экспресс тестке тапсырыс бердік. Олар  бізден тездеткені үшін қосымша ақы  алмады. Мен үшін бұл шектен шыққан масқара. Біз кассаға қайтып келгенде, ПТР-і жоқ бірнеше жолаушы өз мәселелерін шешу үшін тіркеу үстеліндегі жігіттерді күтіп тұрды. Бұлар біздің азаматтар еді. Сыбайлас жемқорлықтың қайнар көзі өзімізден басталады. Біз мына түрімізбен сыбайлас жемқорлыққа тосқауыыл қоя алмаймыз. Біздің менеджерлер, әрине, бұны мойындай қоймайды. Бірақ біздегі шындық осы. Бұл біздің жүйе. Біздің салт-дәстүріміз. Біздің қызметкерлер. Біздің ойын ережеміз» деп қосты Ниязов.