Белгілі футболшы жалдамалы үйдің бассейнінен өлі табылды

9 қазан күні кешке Грекия құрамасының және «Панатинаикос» клубының 31 жастағы қорғаушысы Джордж Болдок қайтыс болды. Оның денесі өзі жалдап тұрған үйдің бассейнінен табылды, деп хабарлайды Orda.kz  Sport24.gr порталына сілтеме жасап. 

Футболшының денесін үйдің иесі тауып алған. Футболшының әйелі оған бірнеше сағат бойы хабарласып ала алмаған соң, үйдің иесіне іздеп баруын өтінген.

Қазір Джорждың өліміне не себеп болғаны анықталып жатыр. Алдын ала болжам бойынша, футболшының денесінде зорлық-зомбылық іздері анықталмаған.