Белгілі қазақ ақыны Рафаэль Ниязбек қайтыс болды

Белгілі қазақ ақыны, Қазақстанның еңбек сіңірген қайраткері Рафаэль Ниязбек қайтыс болды.

Бұл туралы Orda.kz хабарлайды.

Қаралы хабарды Қазақстан Жазушылар одағы растады. Рафаэль Ниязбек 1943 жылы 24 наурызда Жамбыл облысы, Талас ауданы, Тамабек ауылында дүниеге келген. 1978 жылы Қазақ мемлекеттік университетінің филология факультетін бітірген.

Рафаэль Ниязбек – І. Жансүгіров атындағы сыйлықтың лауреаты, Шешенстан Республикасының «ұлт намысы» жоғары мемлекеттік орденінің лауреаты, Шешенстан Республикасы Мемлекеттік сыйлығының лауреаты, Республикалық сыйлықтың Гран-при иегері.