Беларусь блогерінен ақша алған Қазақстан полицейлері жұмыстан қуылды

Түркістан облысында Беларусьтен келген туристерді негізсіз тоқтатып, 200 мың теңге алған патрульдік полицейлер жұмыстан қуылды, деп хабарлайды Orda.kz. 

Еске салайық, әлеуметтік желіде блогер Александр Гулько өздерін Түркістан облысындағы патрульдік полиция негізсіз тоқтатып, ақша талап еткенін айтқан еді. 

Туристердің айтуынша, полицейлер оларды Қазақстанның техникалық тексерісінен өтпегені үшін  және бейнебақылау камерасына түсіп қалды деп негізсіз айыптаған. Егер сұраған қаражатты берсе, жолда ешкім тоқтатпайды деп уәде етіпті.

Осы факті бойынша қылмыстық іс қозғалды. Сондай-ақ бөлімше басшылығына қатысты қызметтік тергеу басталды. Бұл жағдайды Ішкі істер министрінің орынбасары Игорь Лепеха растады.