Бектеновтың сөзі әсер етті ме? Bazis-A мен BI Group бастаған компаниялар 17 млрд теңге салық төледі

Премьер-министр Олжас Бектенов салық төлемдерін азайтқаны үшін қатаң сынға алып, екі апта берген «Bazis-A», «BI Group» және басқа да компаниялар 17 млрд теңге салық төледі, деп хабарлайды Orda.kz.

Талдау нәтижесінде 633 салық төлеушіге, оның ішінде 172 құрылыс компаниясына, сондай-ақ сауда және басқа да қызмет түрлерімен айналысатын 102 кәсіпорынға салықтық табысты төмендету белгілері бар екені туралы хабарлама жіберілген.

12 наурыздағы жағдай бойынша, салық төлеушілер қосымша есеп тапсырып, төлемдерін жүзеге асыруда. Қазірдің өзінде 17 млрд теңге өндірілді, оның ішінде «Bazis-A» және «BI Group» компаниялары да бар. Деректерді салыстыру жұмыстары жалғасып жатыр.

Еске салайық, 28 ақпанда премьер-министр Олжас Бектенов ірі бизнес өкілдерін, соның ішінде «Bazis-A» және «BI Group» құрылыс компанияларын сынға алып, салық төлеуге екі апта уақыт берген еді.