Бектенов сынаған денсаулық сақтау вице-министрі қызметінен кетті

Бейбіт Есенбаев денсаулық сақтау вице-министрі қызметінен босатылды.

Есенбаев Денсаулық сақтау министрлігінде 2022 жылдың шілдесінен бері жұмыс істейді.

«Қазақстан Республикасы Үкіметінің қаулысымен Бейбіт Салымұлы Есенбаев берген өтінішіне сәйкес Денсаулық сақтау вице-министрі қызметінен босатылды» деп хабарлады Үкіметтің баспасөз қызметі.

Бір күн бұрын премьер-министр Олжас Бектенов денсаулық сақтау министрлігін ауылдарға аурухана салуды мерзімінде орындамай отыр деп сынаған болатын. Өткен жылы 309 нысанның құрылысы жоспарланғанымен, жобалық-сметалық құжаттарын дайындау кешіктірілді.