Бектенов салықтың бір бөлігін ауыл бюджетіне қалдыруды тапсырды

Премьер-министр Олжас Бектенов салықтық ақшаны бөлу механизмін ішінара қайта құрылымдауды тапсырды.

Егер бұрын барлық елді мекендерден түсетін салықтардың барлығы республикалық бюджетке түссе, енді төлемдердің бір бөлігі ауылдық бюджеттерде қалады.

Бұл елдегі ауылдың негізгі мәселелерін шешу үшін қажет, мысалы:

ауыл мектептерінің апаттылығы;
ауруханалар мен медициналық пункттердің жетіспеушілігі;

ауыз су мен жолдар сапасының проблемалары;

ғаламтор;

тұрақсыз қуат көзі.

«Осы мәселелер бойынша мыңдаған шағымдар бар. Соның салдарынан ауыл халқының сыртқа кетуі байқалады. Әлеуметтік, инженерлік және көлік инфрақұрылымын, әсіресе, шекаралас аймақтарды дамыту бойынша жұмысты жандандыру қажет. Бұл мәселелерді кезең-кезеңімен шешу үшін салықтар мен төлемдердің кейбір түрлерін ауылдық округтердің бюджетіне аудару жұмыстарын жалғастыру қажет»,- деді Бектенов.

Сондай-ақ, оның айтуынша, жеке бастамаларға белсенді қолдау көрсету қажет. Әрбір шаруашылық субъектісі халық алдында тек экономикалық ғана емес, әлеуметтік жауапкершілікті де көтеруі керек.

Соңғы 10 жылда ауылдық елді мекендердің саны 6838-ден 6256-ға немесе 582 бірлікке қысқарды. Негізінен халқы 50-ден аспайтын ауылдардың қысқаруы байқалды, халқы жақын маңдағы елді мекендерге байланған. Қазақстанда 6256 ауылдық елді мекен бар, оларда 7,6 миллион адам тұрады, бұл ел халқының 38,4 пайызын құрайды. Бұл ретте табысы ең төменгі күнкөріс деңгейінен төмен ауыл халқының үлесі 7,2%, жұмыссыздық деңгейі 4,7% құрайды. Өзін-өзі жұмыспен қамтығандардың үлесі 33%, яғни 1,2 млн адам.