Бекшин: Жаңа жылдық ертеңгіліктер мен корпоративтерге тыйым салынады

Алматыда жаңажылдық ертеңгіліктер мен корпоративтерге тыйым салынды. Бұл жөнінде қаланың бас санитар дәрігері Жандарбек Бекшин мәлімдеді.

"Коронавирусқа қатысты жағдай шиеленісіп тұр, осыған байланысты кәсіпкерлерге тағы да айтарым - жаңажылдық ертеңгіліктер мен корпоративтерге тыйым салынады" деді Бекшин.

Бұған дейін Алматы қаласының жасыл аймақтан "сары аймаққа" қайта кіргені хабарланған.

Соңғы дерек бойынша, Қазақстанда наурыз айынан бері коронавирус жұқтырғаны тестпен дәлелденген 138 382 адам тіркелген. Осы уақыт аралығында коронавирустан 2 105 адам қайтыс болған. 122 мыңнан астамы жазылған. Бұдан бөлек, елде 43 339 адамға коронавирус пневмониясы диагнозы қойылған. Осы уақытқа дейін олардың 456-ы қайтыс болып, 31 мыңнан астамы жазылған.

Қазір коронавирустан - 14 мыңға жуық адам, коронавирус пневмониясынан 11,5 мыңнан астам адам емделіп жатыр.