Бекшин: Сайлау туралы жазатын БАҚ өкілдері ПТР тапсырмайды

Бұл туралы Алматы санитарлық-эпидемиологиялық бақылау департаментінің басшысы, қаланың бас мемлекеттік санитар дәрігері Жандарбек Бекшин онлайн брифингте хабарлады.

"Бақылаушылар мен өзге мүшелер міндетті түрде ПТР сынамасын тапсыруы керек. Екі күн ішінде сайлау учаскелерінде болатын 5840 адам сынама тапсырып болды. Олардың арасынан 8 сынама оң нәтиже көрсетіп, ол адамдар сайлауға қатысты жұмыстардан босатылды. Енді олардың орнына ауру қаупі жоқ, тестілеу нәтижесі дұрыс адамдар алынады. Бұл өте маңызды әрі дұрыс іс-шара. Сайлау қауіпсіз өтуі керек", - деді Бекшин. 

Сондай-ақ, Бекшин сайлау учаскелеріне барып, ақпарат беретін бұқаралық ақпарат құралдары өкілдері сынама тапсыруға міндеттелмейтінін жеткізді. 

"БАҚ өкілдеріне ПТР тестілеуден өту міндеттелмейді. Себебі олар сайлау учаскелерінде тәулік бойы жүрмейді. Ал тәулік бойы жұмыс істейтін сайлау комиссиясы мүшелері, бақылаушылар, комиссиясы мүшелері, басқа да қызмет көрсетушілер ПТР талдауын тапсыруға міндетті", - деді ол.