Бекшин мен Сапарбаев лауазымды қызметке тағайындалды

Алматының бұрынғы бас санитарлық дәрігері Жандарбек Бекшин мен Жамбыл облысының бұрынғы әкімі Бердібек Сапарбаев әріптес атанды.

Бұдан былай Бекшин мен Сапарбаев QazBioPharm Ұлттық холдингінде жұмыс істейді.

Жандарбек Бекшин 2023 жылғы 4 қаңтардан бастап QazBioPharm Ұлттық холдингі бас директорының орынбасары міндетін уақытша атқарушы болып тағайындалды.

Жамбыл облысының бұрынғы әкімі Бердібек Сапарбаев Ұлттық холдингтің тәуелсіз директоры болды.

QazBioPharm Ұлттық холдингі 2022 жылдың жазында мемлекет басшысының елдің биологиялық қауіпсіздігін қамтамасыз ету жөніндегі жүйелі шаралар туралы тапсырмасын орындау шеңберінде құрылды.