Бекшин Алматының бас санитарлық дәрігері лауазымын босатады

Алматы қаласының бас санитарлық дәрігері және ҚР ДСМ КСК санитарлық-эпидемиологиялық бақылау департаментінің басшысы Жандарбек Бекшин зейнетке шығуына байланысты 5 қаңтардан бастап қызметінен кетеді.

Сондай-ақ, ол санитарлық-эпидемиологиялық бақылау департаментінің басшысы қызметінен кетеді.

27 желтоқсаннан бастап Жандарбек Бекшин демалыста.

– Менің келісімшартым аяқталды. «Мемлекеттік қызмет туралы» заңға сәйкес зейнеткерлерге жұмысты бір жылға ұзартуға болады, ал маған екінші рет ұзартылды, әрі қарай мүмкін емес. Мен қаңтарда кетемін, – деді Orda.kz тілшісіне Жандарбек Бекшин.

Алматы қаласының бас санитарлық дәрігері және санитарлық-эпидемиологиялық бақылау департаментінің басшысы қызметін Қарлығаш Әбдіжаббарова атқарады (ол қазір Алматы қалалық ССК орынбасары).

Жандарбек Бекшин 2020 жылдың 18 сәуірінен бастап Алматының бас санитарлық дәрігері болып жұмыс істеді. ҚР ДСМ Алматы қаласы тауарлар мен көрсетілетін қызметтердің сапасы мен қауіпсіздігін бақылау департаментінің басшысы болып 2020 жылдың 18 маусымынан бастап қызмет атқарады. Департамент қайта құрылғаннан кейін Жандарбек Бекшин Алматы қаласының санитарлық-эпидемиологиялық бақылау департаментін басқарды.

Жандарбек Бекшин өмірбаяны

Жандарбек Мұхтарұлы 1958 жылы 5 қаңтарда Қостанай облысы Федоров ауданы Байғара ауылында дүниеге келген.

• 1982 жылы – Свердлов мемлекеттік медицина институтын «гигиена, эпидемиология, санитария» мамандығы бойынша бітірді.
• 1982-1987 жылдары – Целиноград қалалық санитарлық-эпидемиологиялық станциясының санитарлық дәрігері, коммуналдық гигиена бөлімшесінің меңгерушісі болып жұмыс істеді.
• 1987-1990 жылдары – Целиноград қалалық және облыстық халықтық бақылау комитеттерінің инспекторы.
• 1990-1998 жылдары – Целиноград облыстық санитарлық-эпидемиологиялық станциясының бас дәрігерінің орынбасары.
• 1998-2011 жылдары – Астана қаласы бойынша мемлекеттік санитарлық-эпидемиологиялық қадағалау комитеті департаменті бастығының орынбасары, басқарма бастығы, директоры.
• 2011-2013 жылдары – Қазақстан Республикасы денсаулық сақтау министрлігі мемлекеттік санитарлық-эпидемиологиялық қадағалау комитетінің төрағасы – Қазақстан Республикасының бас мемлекеттік санитарлық дәрігері.
• 2013-2014 жылдары – Қазақстан Республикасы денсаулық сақтау министрлігінің мемлекеттік санитарлық-эпидемиологиялық қадағалау комитеті төрағасының орынбасары.
• 2014 жылы – Қазақстан Республикасы тұтынушылардың құқықтарын қорғау агенттігі төрағасының орынбасары, Қазақстан Республикасының бас мемлекеттік санитарлық дәрігері.
• 2014-2017 жылдары – Қазақстан Республикасы ұлттық экономика министрлігі тұтынушылардың құқықтарын қорғау комитеті төрағасының орынбасары – Қазақстан Республикасының бас мемлекеттік санитарлық дәрігері.
• 2017 жылы – Қазақстан Республикасы Денсаулық сақтау министрлігінің Қоғамдық денсаулық сақтау комитеті төрағасының орынбасары – Қазақстан Республикасының бас мемлекеттік санитарлық дәрігері.
• 2017-2019 жылдары – Қазақстан Республикасы денсаулық сақтау министрлігі қоғамдық денсаулық сақтау комитетінің төрағасы – Қазақстан Республикасының бас мемлекеттік санитарлық дәрігері.
• 2019-2020 жылдары – Қазақстан Республикасы денсаулық сақтау министрлігінің тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары – Қазақстан Республикасының бас мемлекеттік санитарлық дәрігері.