«Бекер шашпақ болған 90 млн»: Прокуратура субсидия ақшасын қайта тартып алды

Қызылорда облысының прокуратурасы облыстық ауыл шаруашылығы және жер қатынастары басқармасына бюджет қаражатын пайдалану заңдылығы бойынша тексеру жүргізді. Нәтижесінде 90 млн мемлекетке қайтарылды, деп хабарлайды Orda.kz.

Тексеру барысында агроөнеркәсіптік кешенді дамыту бойынша ұлттық жобаны іске асыруға бөлінген субсидиялардың негізсіз берілгені анықталды.

«Прокуратураның бақылау актісі бойынша мемлекетке 47 шаруашылық субъектісіне негізсіз берілген 90 миллион теңге субсидия қайтарылды»,  деп мәлімдеді Қызылорда облысының прокуратурасы.