Бекболат Тілеухан Мәжіліс депутаттығынан кетті

Бүгін, 29 желтоқсан Мәжілістің жалпы отырысында депутат Бекболат Тілеуханның мерзімінен бұрын өкілеттігі тоқтатылды.

Мұндай ақпаратты Орталық сайлау комиссиясының мүшесі Асылбек Смағұлов мәлімдеді.

Бекболат Тілеухан өз еркімен қызметін босату туралы өтініш берген. Депутаттар дауыс бере келе, оны қызметінен алып тастады.

Ол енді Бүкіләлемдік этно-спорт федерациясының бірінші вице-президенті болып тағайындалды.

Парламент мәжілісінің төрағасы Нұрлан Нығматулин Бекболат Тілеуханға өз алғысын айтып, оған алғыс хат табыстады.

Осы орайда Тілеухан Нығматулинге асыра мақтап жатқанын айтып, оның сөзінің шынайылығына күмән келтірді.

Ол өзінің сөзінде былай деді:

– Тайымда танып, тұлпардай қылып топқа қосқан әуелі елбасыма рахмет. Нұр ағамыздың салған жолын ары қарай жалғастырып жатқан мемлекет басшымыз Қасым-Жомарт Тоқаев Кемелұлының қамқорлығына, жасап жатқан марапаттарына шексіз алғысымды білдіремін, - деді Бекболат Тілеухан.

Бекболат Тілеухан 1966 жылы 7 тамызда Қарағанды облысы Жаңаарқа ауданында дниеге келген. Ол Мәжіліске төрт рет сайланды. Ең алғаш 2004 жылы өтті. Төменгі палатада әлеуметтік-мәдени даму комитетінің мүшесі болды.