Бек Нұрмағанбет профессионалдар арасында  тоғызыншы рет нокаутпен жеңді

WBA International титулының иегері Бек Нұрмағанбет Помонада (Калифорния, АҚШ) өткен бокс кешінде өнер көрсетті.

Қазақстандық боксшының қарсыласы венесуэлалық Хебер Рондон болды. Екінші орта салмақтағы жекпе-жек сегіз раундқа есептелген, бірақ бірінші раундта Нұрмағанбеттің  қарсыласы рингке шыға салысымен  аяқталды.

Жеңілмей келе жатқан қазақстандық үшін бұл жеңіс профессионалдар арасындағы тоғызыншы және мерзімінен бұрын жетінші жеңісі  болды.

Бұған дейін осы бокс кешінде Әбілхан Аманқұл өнер көрсетіп, ол да қарсыласын нокаутқа жіберген болатын.