Bek Air жолаушыларына 110 млн теңге төлеуі тиіс

Сот Bek Air компаниясын өз жолаушыларына 110 млн теңге төлеуге міндеттеді.

Бұл туралы Orda.kz хабарлады.

ҚР Сауда және интеграция министрлігі тұтынушылардың құқықтарын қорғау комитетінің төрағасы Асқар Тынысбеков 2020 жылы тек Bek Air-ге ғана тұтынушылардың көптеген өтініштері түскенін айтты.

– Біз 1797 тұтынушының құқығын қорғадық. Олар сот шешімімен 110 миллион теңге өндірілді, - деді ол.

Еске салсақ, Bek Air Fokker 100 жолаушылар ұшағы 2019 жылдың 27 желтоқсанында сағат 07:21-де Алматы әуежайы маңында апатқа ұшырады. 12 адам қаза тапты. Авиакомпания рейстер тоқтатылғаннан кейін жолаушыларға билет құнын қайтармады, осыған байланысты Тұтынушылардың құқықтарын қорғау комитеті сотқа жүгінді.

2020 жылдың қаңтарында тексеріс Bek Air-де өрескел заң бұзушылықтарды анықтады. Мамандар «ұшақ ұшуға жарамсыз» болды деп мәлімдеді. Олар жарамдылық сертификаттарын қолдан жасағандығы анықталды. Кейін көлік прокуратурасы тергеуді қолына алды. Кейінірек Қазақстанның авиация әкімшілігі оператордың сертификаттарын және ұшақтың ұшуға жарамдылығын жоққа шығарды.

2020 жылдың мамырында Алматы соты Bek Air компаниясының мүлкін қамауға алды. Сот отырысы онлайн режимде өтті. 17 маусымда авиакомпания жолаушылардың талап-арызында соттан ұтылғаны белгілі болды. Ол тоқтатылған рейстер үшін 50 млн астам теңге төлеуге міндеттелді. 24 шілдеде Bek Air тұтынушылардың екінші сотынан жеңілді. Оның көлемі 5,9 млн теңгені құрады.