Bek Air әуе апатында қаза тапқан ұшқыштың отбасына өтемақы төленеді

2019 жылғы 27 желтоқсанда Алматы маңында болған әуе апатынан қаза тапқан ұшқыш Молдақұлов Миржанның жұбайына материалдық көмек ретінде 4 млн теңге төленеді.

Бұл туралы Orda.kz хабарлады.

«2019 жылғы 27 желтоқсанда Алматы облысының Талғар ауданында болған әуе апатынан қаза тапқан ұшқыш Миржан Гайнулович Молдақұловтың жұбайы Зауреш Нургалиевна Молдақұловаға 2021 жылғы 29 сәуірдегі өтініші негізінде қаржылай көмек көрсетуге Қазақстан Республикасының Еңбек және халықты әлеуметтік қорғау министрлігіне 2021 жылға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен 4000000 (төрт миллион) теңге сомасында қаражат бөлінсін» делінген «Ашық НҚА» сайтында жарияланған қаулыда.  

Bek Air ұшағы 2019 жылдың желтоқсан айының соңында Алматы маңында апатқа ұшырады. 12 адам қаза тапты. Апат мемлекеттік органдар тарапынан компанияда бірқатар тексерулер басталды. Bek Air компаниясы елеулі техникалық проблемалары бар ескі ұшақтарды пайдаланғаны белгілі болды. Комиссия әуе апатының негізгі нұсқасын кеменің мұздануы деп атады.