Бейжіңде Қазақстанның мәдениет күндері басталды

Қытай Халық Республикасының астанасы – Бейжіңде Қазақстан Республикасының Мәдениет күндері басталды.

 Бағдарламаның бірінші күні Гуомаоның іскерлік және заманауи мегаполис аймағындағы нысандардың бірінде Роза Бағланова атындағы «Қазақконцерт» мемлекеттік концерттік ұйымының концерт-тұсаукесері өтті.

Сондай-ақ «Астана сазы» Қазақ мемлекеттік фольклорлық ансамблінің әртістері, «Гүлдер» ансамблінің шығармашылық ұжымы, қазақ эстрадасының белгілі өкілдері Медет Салықов, Клара Төленбаева, Азамат Желтырғызов, Әлішер Кәрімов, Рухия Байдүкеновалар өнер көрсетті.

Роза Бағланова атындағы «Қазақконцерт»  әртістері мен шығармашылық топтардың гала-концерті келесі аптада Бейжіңнің тарихи орталығында орналасқан Ұлттық өнер орталығы сахнасында өтеді.

Сенбіде, 25 қарашада Қытайдағы Қазақстанның мәдениет күндері аясында «Халық цифрлық өлшемде» атты Қазақстан мен Қытай жастарының достығы жобасының ашылу салтанаты өтті.

Қазақстанның туристік әлеуетін насихаттау мақсатында Қытайда еліміздің көрікті жерлерін бейнелейтін сурет көрмесі өтті.