Бейжің Олимпиадасына келгендер арасында Covid-19 тіркелді

2022 жылғы Олимпиадада Ковид-19 инфекциясының 10 жаңа жағдайы анықталды.

Өткен тәулікте олимпиадашылар арасында коронавирус инфекциясының 10 жаңа жағдайы анықталды. Бұл туралы БАҚ өкілдеріне Ойындардағы Пандемияның алдын алу және бақылау басқармасы бас директорының орынбасары Хан Чунь айтты.

«Соңғы 24 сағатта біз 10 жаңа жағдайды тіркедік. Тағы да қайталаймын: ауру жұқтыру жағдайының  көбеюі делегациялардың келуімен байланысты болды. Ашылу салтанаты жұма күні өтті, қазір келушілер әлдеқайда аз, сондықтан тіркелген оқиғалар да аз » деп келтіреді «Известия» директордың сөзін.

Бұған дейін Олимпиаданы ұйымдастыру комитеті төрт спортшыны карантинге жібергені хабарланған болатын. Ауру жұқтырғандар мен ауырғандар арасында әзірге қазақстандық спортшылар жоқ. 2022 жылғы Олимпиаданы ұйымдастыру комитеті ойындардың басынан бері 72 мың сынақ өткізілгенін, оның 6 мыңын спортшылар, 66 мыңын басқа қатысушылар тапсырғанын айтты.

Бүгін тағы бірнеше медаль жиынтығы сарапқа салынады, соның ішінде шаңғымен секіру, әйелдер могулы және шаңғы жарысы. Қазақстандық спортшылар алдағы жарыстарға қызу дайындық үстінде.