Бейжің Олимпиадасы: бүгінгі жарысқа қай спортшылар шығады

Қазақстан құрамасы Олимпиада жүлделері үшін күресті жалғастыруда

Бейжіңдегі Қазақстан Олимпиада құрамасы үшін жексенбі қызу қарқынмен өтеді. Бүгін ерлер арасында шаңғы жарысы, трамплиннен секіру және әйелдер могулынан жарыстар болады.

Сағат 13:00-де 30 шақырым қашықтықта ерлер арасында шаңғы жарысының финалы өтеді. Қазақстан намысын шаңғышылар Виталий Пухкало мен Евгений Величко қорғайды. Юлия Галышева, Анастасия Городок, Аяулым Амренова және Олеся Граур әйелдер арасында могулдан екінші біліктіліктен өтуді жоспарлап отыр. Жарыс Астана уақытымен сағат 16:00-де басталады.

Сондай-ақ бүгін сағат 17:00-де біздің спортшылар трамплиннен секіру финалының бірінші айналымында сынға түседі. Қазақстан атынан Сергей Ткаченко мен Данил Васильев қатысады.

Ойындардың алғашқы күнінде қазақстандық спортшылар әлі медальға қол жеткізе алмағанымен, жақсы нәтиже көрсетіп үлгерді. ҰОК мәліметінше, қазақстандық спортшылар алтын үшін 250 000 доллар, күміс үшін 150 000 доллар, қола үшін 75 000 доллар алуға құқылы. Төртінші, бесінші және алтыншы орындарды иеленгендерге 30, 20 және 10 мың доллар көлеміндегі сыйлықтар да уәде етілген.