«Бейсен және болмыс» кітабына қатысты дау туды

Қазақстандық фотограф Жеңіс Ысқабай авторлық құқықты бұзғаны үшін «Отбасы хрестоматиясы» қоғамдық қорынан 55,3 миллион теңге өндіріп алуға тырысты, деп хабарлайды Orda.kz.
Қор Ысқабай түсірген портретті «Бейсен және болмыс» кітабының мұқабасына қойып, оның көшірмесін otbasy.com сайтына және әлеуметтік желілерге салған. Кітап шығарғандар сурет авторын көрсетпеген, пайдалануға рұқсат сұрамаған. Жеңіс Ысқабай бұл авторлық құқықтың бұзылуы деп санайды.
Кітап алғаш рет 2021 жылы жарық көріп, үш мың теңгеден сатылды. Жеңіс Ысқабайдың айтуынша, кітап бір сәтте тіпті бестселлерге айналып, бір жылдан кейін тағы 1500 данасы қайта шығарылды. Осыдан кейін шығарма мезгіл-мезгіл шығарыла берді. Идеяның авторы және осы кітапты жасауға шабыттандырушы — мәжіліс депутаты Абзал Құспан. Фотографтың оған жеке шағымы жоқ, тек әділеттілікті қалпына келтіруге тырысады.
Жауапкердің өкілі фотографтың дәлелдерін толық мойындамай, кітаптарды басып шығарған баспахана қателігін алға тартты. Сотта жауапкер кітаптағы фотосуреттің авторы көрсетілуін талап етті.
«Кітапта менен басқа кітап жасауға қатысы бар барлық авторлар туралы айтылған. Мұндай жұмыстың болғаны қуантады, бірақ неге менің жұмысым бар да, атым жоқ? Алдымен мен ескерту жасадым, содан кейін шыққан басылымдарда да менің авторлығым көрсетілмеді», дейді фотограф.
Марқұм Бейсен Құранбектің жұбайы да фотосуреттің Жеңіс Ысқабайға тиесілі екенін растады, бірақ мұндай дау туындауы мүмкін деп ойламады, өйткені туынды күйеуін еске алуға арналған. Ол өзі, сотта айтылғандай, өзіне 500 кітап сатып алды.
Фотограф суретті 2014 жылы түсірген. Жеңіс Ысқабайдың құқықтары толығымен қорғалды. Алайда, жауапкерлер бұл кітапты Бейсен Құранбекті еске алу үшін жасағанын ескерсек (кітап авторы оның досы — Санжар Керімбай), фотографқа ол сотта талап еткен 55,3 млн теңгенің орнына 500 АЕК немесе 1 846 00 теңге төлеу туралы қаулы шықты.
«Жеңіс Ысқабайдың талабы ішінара қанағаттандырылсын. Бұзылған авторлық құқық үшін «Отбасы хрестоматиясы» қоғамдық қорынан 500 АЕК өтемақы өндірілсін. Жеңіс Ысқабайдың бұзылған авторлық құқығы қалпына келтірілсін. «Отбасы хрестоматиясы» қоғамдық қорынан өкілдің қызметіне ақы төлеу жөніндегі шығын 505 050 теңге мөлшерінде, нотариус қызметіне ақы төлеу шығыны 102 564 теңге мөлшерінде өндірілсін. Жеңіс Ысқабайдың талап арызының қалған бөлігін қанағаттандырудан бас тартылсын», деп айтылған сот шешімінде
Жаңалықтар
- Бакуде ФСБ агенттері ұсталды
- Зорлық үшін сотталған Талдықорғандағы полиция басшысының әйелі күдікке ілінді
- «Генерал-майор»: Қазақстанда әскер қолбасшысы ұсталды
- Әділет экс-министрі Марат Бекетаев 9 жылға сотталды
- Бетті тұмшалайтын киімге тыйым салынды
- «Жат елден бұйырған топырақ»: Назарбаевтың күйеу баласы Рахат Әлиевтің ғұмыры
- Перизат Қайрат ісі сотқа жіберілді
- Тоқаев «Антикорды» ҰҚК қарамағына біріктірді
- Алматыда мопед ұрлаған ер адам полицейді сүйретіп әкетті
- Әзірбайжан мен Ресейдің айқасы: Бакуде Симонянға қарасты Sputnik редакциясында тінту жүріп жатыр
- Мәжіліс депутаты Базарбек Бас прокуратураға бірден төрт арыз дайындады
- Алматы әуежайында қызметкерді кепілге алған ер адамға қатысты қосымша тергеу аяқталды
- «Полиция көмектеспеді»: Ақмолада түлекті аяусыз ұрып, көлікпен қағуға оқталған екі ер адам ұсталды
- Әзірбайжан Ресей қатысатын мәдени шаралардың бәрін тоқтатты
- Астанада аяғынан айырылған қыз қашан мектепке оралады?
- Wildberries патшайымы: Блогерге алданған қара халық президентке үндеу жолдады
- Қазақстан халықаралық математика олимпиадасында тарихи нәтиже көрсетті
- Мәжіліс пен сенат депутаттары жазғы демалысқа шықты
- Атырауда 11 жастағы бала лифт шахтасына құлап кетті
- Алматы облысында әйелін 13 жыл бойы азаптап, ішкі ағзаларын езіп жіберген ер адам сотталды