Бейнежазба жасайтын тегін нейрожелі шықты

Luma AI стартапы бейнежазба жасайтын Dream Machine атты жаңа генеративті модельді ұсынды.

Бұл туралы Luma AI өз сайтында хабарлады.

 Қызмет көпшілікке қолжетімді. Тіркелмей-ақ, бір ай ішінде 30-ға дейін ролик жасауға болады. Әр бейненің ұзақтығы — бес секунд.

 Әзірлеушілер нейрондық желі мәтіндік сұраныс немесе кескін негізінде жоғары сапалы әрі шынайы бейнелерді жасауға мүмкіндік беретінін атап өтеді. Жаңа нейрожелі Open AI компаниясы ұсынған танымал Sora-дан кем болмады. 

Бейнені жасауға 120 секунд, яғни екі минут кетеді. Әр роликтің ұзақтығы небәрі бес секунд. Dream Machine бағдарламасын өте көп жүктеп жатқан соң, әр адамның сұрауы кезекке жіберіліп жатыр. Бейнежазба дайын болғанша бірнеше минут күтуіңіз керек. Dream Machine бағдарламасының жасанды зердесі адамдардың, жануарлардың және әртүрлі заттардың қоршаған әлеммен байланысын түсінеді. Бұл бейнелерді нақты дәлдікпен жасауға мүмкіндік береді.