Бажкеновамен осы аптаның маңызды оқиғаларын талдау

Өткен аптада болған оқиғалар туралы немесе жұрт сөз қылуға батпай, сыбырлап қана айтуға тырысатын әңгімелер  Бажкенованың жаңа шығырылымында.

Премьер-министрдің бұрынғы орынбасары, Астана әкімі Алтай Көлгіновтің басына бұлт үйірілді. Отставкаға кетумен іс бітпеуі мүмкін. Оның тағдыры барша әкімдерді, әсіресе, Алматы әкімі Досаевты оятса дейміз.

Алматының бірнеше ауданы бір айдан бері сусыз күн кешіп жатыр, жұрттар әлеуметік желіде  әл-Фараби көшесін жабуды талқылап жатыр. Су дағдарысына әкімдік пен «Орхан» сумен жабдықтаушы ЖШС монополисі Болат Назарбаевтың компаниясы арасындағы кикілжің себеп болып отыр.

Болат Назарбаевтан өкіметке өтті  деп ойлап жүрген «Алтын Орда» базары не болып жатыр? Бұрынғы шенеунік әрі депутат, тіркелмеген «Ел тірегі» партиясының жетекшісі Нұржан Әлтаев не үшін ұсталды? Мырзахметовтың блокноты – «Атамекен» ҰКП бұрынғы төрағасы кімге және не үшін пара  берді?

Құқық қорғаушылар Қанды Қаңтар кітабын басып шығарды – қаңтар оқиғасының құрбандары куәлік еткен. Фактілермен жұмыс істеу барысында авторларға көптеген қоқан-лоққылар түскен. Қаңтар кезінде өртенген Алматы әкімдігі жақын арада тапсырылады, ал ғимаратты мәслихат депутатының фирмасы жөндеп жатыр –  қаңтардағы қанды жуып кетірмекші болған  депутат 17 миллиард теңгенің жұмысын конкурссыз алған.

Сотталушы Мұхамедиұлы антикорды бопсалады деп айыптады. Депутат абақтыда жатқан Сатыбалдыға «Double Three» қонақүйін тікелей түрме камерасынан сатып алды деп айыптады. Антикор оларды өтірік ақпарат таратты деп айыптап, оларды қатаң жазалауға уәде берді.

Астана форумы 90 халықаралық сарапшылар мен спикерлердің басын қосты. Бұл бізге не үшін қажет, жалпы бұл бізге қажет пе?

Бұрынғы президент Назарбаевқа  берілген артықшылықтар біртіндеп жойылып жатыр. Бір ай ішінде Елбасы кеңсесі жабылып, оны қорлағаны үшін берілетін жаза Қылмыстық кодекстен алынып тасталады.

Бұл туралы мына жерден көріп, пікір қалдырыңыз: