«Бажа 2» – жаңа маусымның алғашқы сериясы рекорд жаңартты

26 ақпанда көптен күткен «Бажа 2» комедиялық сериалы Marat Oralgazin YouTube-арнасында, сондай-ақ AstanaTV, TV+ және activ платформаларында көрерменге жол тартты. Жоба Sәlem Entertainment-тің қолдауымен жүзеге асырылды, деп хабарлайды Orda.kz.

Сериалдың алғашқы 2 сериясы бірнеше күн ішінде 7,5 миллионнан астам қаралым жинап, үлкен танымалдыққа ие болды. Көрермендер жылы қабылдап, пікірлер саны күн сайын артып келеді. Бұл – «Бажа» жобасының халық арасындағы сұранысқа ие екенін әрі өзекті тақырыпты көтергенін дәлелдейді.

Оқиға ортасында – Мұха, Толик және Баха. Олар – полиция генералының үш күйеу баласы. Әрдайым бір-біріне қолдау көрсетіп, отбасы үшін өзін құрбан етуге дайын.

Алайда отбасылық өмір тек күнделікті тұрмыстық мәселелермен шектелмейді. Кейіпкерлерді үлкен сынақтар күтіп тұр:

• Балалы болу,
• Жылдам жетістікке жету жолындағы алдамшы мүмкіндіктер,
• Ажырасу қаупі мен отбасы құндылықтары үшін күрес.

Жобаның серіктесі – Аctiv бренді, «Отбасылық» тарифімен. Бұл – бірлікті бағалайтындар үшін мінсіз шешім. Сериалдың басты кейіпкерлері секілді, әрбір отбасы өмірде түрлі сынақтарға тап болады. Бірақ ең маңыздысы - әрдайым байланыста болып, бір-біріне қолдау көрсету. «Отбасылық» тарифімен activ барлық жақындарыңызды бір желіге біріктіріп, интернет пен минуттарды бөлісуге мүмкіндік береді.

Режиссер: Олжас Нұрбай

Басты рөлдерде: Марат Оралғазин, Еркебұлан Мырзабек, Шерхан Пірназаров, Ұлболсын Шалқарова, Фариза Ескермес және Жазира Еркін.

«Бажа 2» сериалын YouTube, AstanaTV, TV+ және activ арқылы тамашалаңыз!

Ақпаратты Salem Entertainment компаниясының PR директоры Ролан Рысбаев ұсынды.