Бауыржан Байбектің анасына тиесілі мейрамхана ең мықты деп танылды

Бауыржан Байбектің анасына тиесілі «Qazaq Gourmet» қазақ тағамдарының ең  мықты  мейрамханасы деп аталды, деп хабарлайды Orda.kz.

50 Best Discovery сарапшылары мен сыншылары елордадағы мекеменің сән-салтанат элементтерін атап көрсетті.

«Qazaq Gourmet мейрамханасы – күмбезді төбесі, аспалы шамдары және тарихи ұлттық киімдер, жәдігерлер мен жарқыраған қызғылт-сары тондар ілінген тамаша мейрамхана. Мұнда дәстүрлі қазақ тағамдарының талғампаз интерпретациясын ұсынатын сезімге арналған мереке сыйлайды. Олар Қазақстанның ас-ауқат мұрасының тұтастығын сақтау міндетін мақсат тұтқан.  Аспаз Артем Канцев елді аралап, аймақтық түрлер мен жергілікті өнімдердің маусымдық ерекшеліктерін зерттеді» делінген хабарламада. 

Мейрамхананың өзі елорданың сол жағалауында орналасқан. Ол Алматы қаласының бұрынғы әкімі Байбектің анасы Алтынайдың иелігіндегі ARAY FINE DINING GROUP компаниясына тиесілі. Мұнда еліміздің ғана емес, сонымен қатар сырттан келген министрлер түскі ас ішіп,  «РосАтом» корпорациясы делегациясының кездесуі өткен.

Orda.kz бұған дейін Qazaq Gourmet кімдікі және қашан ашылғаны туралы зерттеу жүргізген болатын.

50 Best Discovery – жыл сайын сала сарапшыларының пікірлері негізінде рейтинг құрастыратын беделді жаһандық платформа. Бұл Мишленнен кейінгі мекемелерге арналған ең маңызды нұсқаулық.