Бауыржан Байбектің әйелі Нұр-Сұлтан қалалық сотында жұмыс істемейді

Бауыржан Байбектің әйелі Нұр-Сұлтан қалалық сотынан кетіп қалды, бірақ жақын арада қайтып келуге уәде берді.

Жанар Байбек (Бауыржан Байбектің бірінші әйелі – Жанар Рахметовамен шатастырмау керек) - 2018 жылдан бері Нұр-Сұлтан қалалық сотының судьясы. Жанар Байбекті бұл қызметке экс-президент Нұрсұлтан Назарбаев тағайындаған. Ол бұған дейін сол кездегі Астана қаласы Есіл аудандық сотының судьясы қызметін атқарған.

Бірақ Нұр-Сұлтан қалалық сотының сайтында судья Байбек туралы ешқандай ақпарат жоқ.

Orda.kz редакциясы сотқа ресми сауал жолдады. Сот Жанар Байбек қазіргі таңда онда жұмыс істемейтінін хабарлады. Судья 2021 жылдың 21 қыркүйегінен бастап бала күтіміне байланысты демалысқа шыққан.

«Нұр-Сұлтан қаласы сотының судьясы Жанар Байбек 2021 жылдың 21 қыркүйегінен бастап балаға үш жасқа толғанға дейін күтім жасау бойынша демалысқа шықты. Қазіргі уақытта судья Байбек Жанар іс жүзінде сот төрелігін жүзеге асырмайтындықтан, қалалық соттың ресми сайтында бұл судья туралы ешқандай ақпарат жоқ. Сайтта қазіргі сот төрелігін жүзеге асыратын судьялардың толық аты-жөні жарияланған» деді сот.

Жанар мен Бауыржан Байбектің махаббат хикаясы Алматыдан Франкфуртқа ұшатын ұшақта басталған.

«Біз Германияда бір қалада оқығанбыз, бір-бірімізден екі көше алшақтықта тұратынбыз, төрт сағаттық рейстің ішінде танысып, дос болып кеткенбіз» деді Байбек «Нұр Отан» ХДП төрағасы кезінде журналистер алдында.

Байбек ерлі-зайыптыларының қашан кездескенін ашық ақпарат көздерінен анықтау мүмкін емес, бірақ оның бірінші әйелі Жанар Рахметова 2012 жылдың мамыр айында Нұрмұхамед есімді ұлды дүниеге әкелсе, жарты жылдан кейін Байбектің екінші әйелі Нұрдәулет есімді ұлды дүниеге әкелген.

Қазір Байбек ресми түрде алты баланың әкесі.