Бауырлас түркі мемлекеттерінің туы өзгерді

Түркі мемлекеттері ұйымының Бішкектегі 11-саммитінде жаңа ту таныстырылып, ресми түрде бекітілді, деп хабарлайды Orda.kz Report.az басылымына сілтеме жасап.

Әзірбайжан, Қазақстан, Қырғызстан, Түркия және Өзбекстан басшылары – Илһам Әлиев, Қасым-Жомарт Тоқаев, Садыр Жапаров, Режеп Тайып Ердоған және Шавкат Мирзиеев – ұйымның түркі әлемінің бірлігі мен ортақ мәдени тамырын бейнелейтін жаңа символын мақұлдады.

Жаңа тудың түсі – бейбітшілік пен өркендеуді білдіретін көгілдір фон, сондай-ақ жарты ай мен жұлдыз, сегізбұрыш және тең тараған сәулелері бар күн бейнесі бар. Көгілдір түс – тарихи түркі дәстүрлеріне меңзейді, ал сегізбұрыш – түркі халықтарының ежелгі мемлекеттілігі мен тұрақтылықты бейнелейді.

Күн мен оның қырық сәулесі жарық пен өмірлік қуатты, ортақ құндылықтар мен жарқын болашаққа ұмтылысты білдіреді. Жарты ай мен жұлдыз түркі мемлекеттілігінің және прогрестің символы ретінде көрініс тапқан.