Баум тоғайында азғындықпен айналысқан қылмыскер сотталды

Баум тоғайында бірнеше рет әйелдерді зорлаған деген күдікке ілінген 1991 жылы туған азамат Айдарханов ұсталды. Ол ұзақ уақытқа бас бостандығынан айрылуы мүмкін.

Бұл туралы Orda.kz хабарлады.

Тергеу кезінде Айдарханов тоғайда адам жоқ жерде қыздарды аңдып, оларды пышақпен қорқытып, зорлағаны белгілі болды.

Бұл туралы Алматы қаласы полиция департаменті бастығының тергеу бойынша орынбасары Рустам Әбдрахманов айтты.

Оның айтуынша, ер адамның 4 қылмыстық әрекеті әшкереленген.

Әбдрахманов сотталушы Айдарханов нақты неше жылға бас бостандығынан айрылғаны туралы айтпады.

Ер адам ҚР Қылмыстық кодексінің 121-бабы 2-бөлігі 4 -тармағына сәйкес - бірнеше рет жасалған сексуалдық сипаттағы зорлық-зомбылық әрекеттері бойынша жауапқа тартылады. Болжам бойынша, күдікті 9-12 жыл аралығында бас бостандығынан айрылады.

Істі Түрксіб аудандық полиция бөлімінің тергеушілері жүргізді.

Авторы: Аружан Төлебай