Батыс Қазақстандық профессор әлемдегі ең құрметті ғалымдардың тізіміне енді

Стэнфорд университетінің сарапшылары әлемдегі ең үздік ғалымдар тізімін жасады.

 Рейтинг библиометриялық зерттеулерге: ғалымдардың бүкіл мансабындағы және соңғы жылдағы дәйексөздеріне негізделген.

 «Жәңгір хан атындағы Батыс Қазақстан аграрлық-техникалық университетінің профессоры, техника ғылымдарының докторы Сәрсенбек Монтаев «әлемнің ең құрметті 2 пайыз профессорлары» рейтингіне ілінген» деп хабарлады ҚР Ауыл шаруашылығы министрлігі.

 Сәрсенбек Монтаев – университеттің индустриалды-технологиялық институтының басшысы.  Ол құрылыс материалдарын өндіруде жаңа технологияларды әзірлеуші, сонымен қатар ауыл шаруашылығы жерлерінің топырақтарының құрылымдық-механикалық қасиеттерін жақсарту бойынша жоба жетекшісі.

 Профессор «Болашақ» бағдарламасы аясында «Нанотехнология» мамандығы бойынша Жапонияда ғылыми тағылымдамадан өткен.