Батыс Қазақстан облысындағы шекара бекеттерінен 50 мыңға жуық ресейлік өтті

Бұл цифрлар Қоғамдық кеңес отырысында айтылды.

— Белгілі бір мерзімде «Сырым» өткізу пунктінен 16 861 ресейлік өтсе, «Тасқала» өткізу бекетінен 12 941, «Жәнібек» өткізу пунктінен 5 028 , «Ақсай» өткізу бекетінен 6 872, Шаған өткізу бекетінен 6 755,  «Орда» өткізу бекетінен – 1193 Ресей Федерациясының азаматы өткен, - деді көші-қон полициясының өкілі.

21-29 қыркүйек аралығында Ресей Федерациясы азаматтарының қылмыстық әрекет фактілері тіркелген жоқ, деп жазады Уральская неделя. Бұл ретте Ресей азаматтарына қатысты үш қылмыс фактісі жасалды, қазақстандықтар тонау және алаяқтық мақсатында келушілерге шабуыл жасаған.

Бірақ әкімшілік құқық бұзушылықтар да жоқ емес.

«21 қыркүйектен бері Ресей Федерациясының азаматтары 43 әкімшілік құқық бұзушылық жасады» деп хабарлады полиция.