Батыс Қазақстан облысында көлік суға құлап кетті

Lada Vesta көлігінің 61 жастағы жүргізушісі көктайғақ салдарынан тізгінге ие бола алмай, көлігі Бударинск каналына түсіп кетті, деп хабарлайды БҚО полиция департаментінің баспасөз қызметі.

Қайғылы оқиға 2 қаңтар күні сағат 15:30 шамасында Ақжайық ауданы, Тоған ауылынан үш шақырым жерде болған.

Оқиға салдарынан 62 жастағы жолаушы оқиға орнында көз жұмды. Оқиға орнынан түрлі жарақаттармен тағы екі әйел қалалық көпсалалы ауруханаға жеткізілді, олардың бірі алған жарақаттарынан жансақтау бөлімінде көз жұмды.

Аталған факті бойынша ҚР Қылмыстық кодексінің 345-бабы «Жол қозғалысы ережелерін бұзу» бойынша сотқа дейінгі тергеу басталды. Тиісті сараптамалар тағайындалды.