Батыс Қазақстанда полицей өз-өзіне қол жұмсады

Батыс Қазақстан облысында полиция қызметкерінің өз-өзіне қол жұмсағаны туралы ақпарат тарады, деп хабарлайды Orda.kz.

Орал қаласының учаскелік инспекторы, 22 жастағы Жасұлан есімді азаматтың суицид жасағаны белгілі болды. Ол Достық ауылында тұрған. Жақын туыстарынан жалғыз анасы ғана қалғаны хабарланды.

Облыстық полиция департаменті бұл жағдайға қатысты қысқа түсініктеме берді.

«Өз-өзіне қол жұмсау дерегі бойынша қылмыстық іс қозғалды. Қазір оқиғаның себептері мен мән-жайы анықталып жатыр» деп жазылған ресми хабарламада.

Айта кетейік, бұған дейін Ақтөбеде полиция қызметкерінің денесі өз үйінен табылғаны хабарланған еді.