Батыс Қазақстан облысының 11-ден астам елді мекенін су басу қаупі бар

Оған Жайық өзеніндегі су деңгейінің көтерілуі себеп. Соңғы 24 сағатта оның деңгейі 34 сантиметрге көтерілген. Бұл туралы Төтенше жағдайлар министрлігінің баспасөз қызметі хабарлады.

«Өңірге екінші күн болған Төтенше жағдайлар министрі Шыңғыс Әрінов әр ауылды аралап, бөгеттердің жағдайын жеке өзі тексеріп жатыр» деп хабарлады ведомство.

Бір күн ішінде басқарма басшысы Бөрілі, Январцев, Рубежинское, Озерное, Володарское, Байқоныс, Жайық және т.б. елдімендерді аралады.

Төтенше жағдайлар министрлігінің мәліметінше, су тасқыны басталғаннан бері облыста 100 шақырымнан астам қорғаныш топырақ бөгеттері салынған.