Батыс Қазақстанда осыдан 2 ай бұрын жоғалып кеткен әйелдің денесі табылды

Екі ай бұрын кезекші полиция бөліміне әйелдің жоғалғаны туралы хабарлама келіп түскен. Оның денесі Желаево ауылының маңындағы орманда табылғаны белгілі болды.

Бұл туралы Orda.kz хабарлады.

Батыс Қазақстан облысы полиция департаментінің хабарлауынша, жоғалғандарды іздеуге Орал полиция басқармасының жеке құрамы түгелдей жұмылдырылған.

Бірақ 3 қазан күні кешкі сағат 17:30-да дүкен қызметкері орманда саңырауқұлақ теріп жүріп, адамның бас сүйегі мен сүйектерін тапқан.

Оқиға орнына келген полиция қызметкерлері Жайық өзенінің бойындағы құм өндіретін карьер аумағынан қаңқа сүйектердің табылғанын анықтаған.

«Табылған қалдықтар сот-медициналық сараптамаға жіберілді. Оның қорытындысы бойынша өлімнің себептері анықталады» деп түсіндірді тәртіп сақшылары.

Бұған дейін хабарсыз кеткен әйелдің туыстары оның үйден кеткенде өзімен бірге болған заттарын таныды.

Сондай-ақ, тіс дәрігері өз науқасының тістері мен мәйітін тексерді. Дәрігерлер оның жеке басын растады.

Бұл факті бойынша тергеу басталды.