Батыс Қазақстанда науқас жедел жәрдем көлігін айдап кетті

Батыс Қазақстанда науқас жедел жәрдем көлігін айдап кетіп, мектеп қоршауына барып соғылды.

Бұл туралы Orda.kz хабарлады.

– Оқиға Бәйтерек ауданы ауылдарының бірінде болған. 31 жастағы ер адам аяғын жарақаттап, жедел жәрдем шақырған. Қызметкерлер оны ауруханаға апарып, медициналық көмек көрсетіп, үйіне жіберген, - деді Ішкі істер министрлігі.

Науқас үйіне қайтқысы келмей, жедел жәрдем көлігін айдап кеткен.

Бірнеше метр жүріп өткен мас жүргізуші мектеп қоршауына соғылған.

Кейін оқиға орнынан қашып кеткен. Қазір іздеу жұмыстары жүргізіліп жатыр.