Батыс Қазақстанда 17 мектеп карантинге жабылды

Батыс Қазақстан облысында 17 мектеп карантинге жабылды, оның сегізі Оралда орналасқан, деп хабарлады Уральская неделя.

Коронавирустық науқас анықталған кезде, мектеп екі аптаға жабылады.

«БҚО Бас мемлекеттік санитарлық дәрігерінің қаулысына сәйкес, оқушылар немесе мектеп қызметкерлері арасында COVID-19 жағдайын тіркеген кезде мектеп инкубациялық кезең аяқталғанға дейін карантинге алынады», - деп хабарлады Санитарлық-эпидемиологиялық бақылау департаментінің баспасөз қызметі.

8-17 ақпан аралығында облыста 51 оқушы мен 19 мұғалім коронавируспен тіркелді.