Батыс Қазақстан облысында кинотеатрлар жабылады

Батыс Қазақстанда кинотеатрлар 25 қаңтардан бастап қайтадан жабылады. Аймақта коронавирус ауруының көбеюіне байланысты карантиндік шектеулер күшейтілуде. Жаңа қаулыға облыстың бас санитарлық дәрігері қол қойып үлгерді.

Еске салсақ, облыс қарсаңында COVID-19 таралуы тұрғысынан «қызыл аймаққа» енген болатын. Өткен тәулікте мұнда инфекцияның 61 жаңа жағдайы анықталды. Келесі аптадан бастап аймақаралық тұрақты автобустардың қозғалысы тоқтайды. Азық-түлік және азық-түліктік емес базарлар дүйсенбіден сенбіге дейін таңғы 9-дан кешкі 17-ге дейін жұмыс істейді. Олар жексенбіде жабық болады, ал сауда үйлері болса сенбі күні жұмыс істемейді. ХҚО-на кезекті алдын ала брондау арқылы бару ұсынылады.

Барлық бұқаралық іс-шараларға әлі де тыйым салынған. Мемлекеттік қызметкерлердің кем дегенде 80% және жеке сектор қызметкерлерінің кем дегенде 50% қашықтықтағы жұмыс түріне ауыстыру ұсынылады. 65-тен асқан адамдарға үйлерінен шықпауға кеңес беріледі.

Шектеу 7 ақпанға дейін қолданылады. Алайда эпидемиологиялық жағдай жақсармаса, карантиндік шаралар ұзартылуы мүмкін.